ການຝຶກອົບຮົມການຕະຫຼາດ ແລະ ສິດທິປະໂຫຍດເພື່ອຜັນຂະຫຍາຍແນວທາງສູ່ສະໂມສອນ ແລະ ທີມກິລາ

Finished Marketing and Privilege Workshop “ ສຳເລັດການຝຶກອົບຮົມ ການຕະຫຼາດ ແລະ ສິດທິປະໂຫຍດ ເພື່ອຜັນຂະຫຍາຍ ແນວທາງສູ່ ສະໂມສອນ ແລະ ທີມກິລາ”

ໃນວັນທີ 15-17 ມັງກອນ 2024, ຮອງປະທານ ແລະ ເລຂາທິການ ສະຫະພັນກິລາອີສະປອດແຫ່ງຊາດລາວ ໄດ້ເຂົ້າຮ່ວມການຝຶກອົບຮົມ ດັ່ງກ່າວ ເຊິ່ງຈັດໂດຍ ຄະນະກຳມະການໂອແລມປິກແຫ່ງຊາດລາວ ໂດຍມີ ຊ່ຽວຊານ ຈາກ ສສ ຫວຽດນາມ ເປັນວິທະຍາກອນ, ການຝຶກອົບຮົມ ແນໃສ່ການສ້າງ ການຕະຫລາດດ້ານກິລາ ແລະ ສິດທິປະໂຫຍດປິ່ນອ້ອມ ເພື່ອແນໃສ່ ສ້າງຄວາມເຂັ້ມແຂງ ໃຫ້ແກ່ ບັນດາສະຫະພັນກິລາ ລວມເຖິງແຜນການໄລຍະຍາວ ຂອງວຽກງານ ຫັນເປັນການຕະຫລາດ ແລະ ສ້າງມູນຄ່າດ້ານກິລາໃຫ້ຫລາຍຂຶ້ນ. ພາຍຫລັງສິ້ນສຸດການຝຶກອົບຮົມ ສະຫະພັນກິລາອີສະປອດແຫ່ງຊາດລາວ ຈະຜັນຂະຫຍາຍ ສູ່ສະໂມສອນ ແລະ ທີມກິລາ ໃນຂົງເຂດທົ່ວປະເທດ.