ຄວາມເປັນມາ

          ໃນຊຸມປີທີ່ຜ່ານມາ, ກິລາອີສະປອດໄດ້ຮັບຄວາມນິຍົມເພີ່ມຂຶ້ນຢ່າງຕໍ່ເນື່ອງໃນປະເທດລາວ, ໂດຍສະເພາະໃນບັນດາເມືອງໃຫຍ່ເຊັ່ນ: ນະຄອນຫຼວງວຽງຈັນ, ຫຼວງພະບາງ ແລະ ຈຳປາສັກ. ເຫັນໄດ້ຈາກການເພີ່ມຂຶ້ນຂອງ ຊຸມຊົນເກມເມີທີ່ໃຫຍ່ໂຕຂຶ້ນ, ລວມທັງການເຂົ້າຮ່ວມຂອງນັກກິລາລາວໃນການແຂ່ງຂັນລະດັບພາກພື້ນ.

          ການກໍ່ຕັ້ງສະຫະພັນເກີດຂຶ້ນພາຍໃຕ້ການສະໜັບສະໜູນຂອງກະຊວງສຶກສາທິການ ແລະ ກິລາ ຮ່ວມກັບຄະນະກຳມະການກິລາແຫ່ງຊາດລາວ, ເຊິ່ງໄດ້ເຫັນເຖິງທ່າແຮງ ແລະ ໂອກາດຂອງກິລາອີສະປອດໃນການພັດທະນາທັກສະດິຈິຕອນ, ການສ້າງວຽກເຮັດງານທຳໃໝ່ ແລະ ການສົ່ງເສີມຮູບພາບຂອງປະເທດໃນເວທີສາກົນ.

          ສະຫະພັນໄດ້ວາງແຜນດຳເນີນງານຜ່ານການຈັດຕັ້ງການແຂ່ງຂັນລະດັດຊາດເປັນປະຈຳ, ການຮ່ວມມືກັບສະຖາບັນການສຶກສາໃນການບູລະນາການອີສະປອດເຂົ້າໃນຫຼັກສູດ, ການສ້າງເຄືອຂ່າຍສະມາຊິກທົ່ວປະເທດ, ແລະ ການສົ່ງເສີມການຄົ້ນຄວ້າພັດທະນາດ້ານອີສະປອດເພື່ອໃຫ້ສອດຄ່ອງກັບສະພາບການລາວ.

ດ້ວຍການກໍ່ຕັ້ງສະຫະພັນກິລາອີສະປອດແຫ່ງຊາດລາວ, ປະເທດລາວກຳລັງກ້າວເຂົ້າສູ່ຍຸກໃໝ່ຂອງກິລາດິຈິຕອນ, ພ້ອມທັງສ້າງໂອກາດໃໝ່ໃຫ້ແກ່ໄວຫນຸ່ມລາວ